کۆمیتەێ کشوەری سازمان دموکراتیک یارسان لە سمینار ڕێزدار خالد عەزیزی قسەکەر حزب دێموکرات کوردستان ئێران لە نروژبەشداری کرد

یارسان مدیا
‏22‏.10‏.10

رووژ یەکشەمە ٩ ئوکتوبر ٢٠٢٢ کۆمیتەێ وڵات حزب دێموکرات کوردستان ئێران لە  نروژ سمینارێک ئەڕا ڕێزدار خالد عەزیزی قسەکەر ئەو حزبە لەسەریەکگرتنەوەێ هەردووک دێموکرات و رووداوەکان و ڕاپەڕین  ئی چەند هەفتەێ ئاخرە لە ئێران، وەتایوەت کوردستان ئێران ڕێکخست .ئی سمینارە وەبەشداری حزب و ڕێکخراوێەل کوردستانی وە هەرئەوجورە سەدان کەس لە کوردەکان نیشتەجێ وڵات نروژ وەڕێوەجی.  هەیئەتێک لە سازمان دموکراتیک یارسان کۆمیتەێ نروژ لەسەر دەعوەت ڕەسمی کۆمیتەێ وڵات حدکا بەشدار سمینارەکە بین. ڕێزدار عەزیزی بەشێک لە قسەکانی لەسەر یەکگرتنەوەێ حزب دێموکرات و کاریگەری و قورسایی ئەو حزبە لەی وەخت و زەمانە ئەڕا ئامادەبیەل سمینارەکە تەرخان کردوی. بەشیکتر لە قسەکانێ لەسەر پەێوندی و هاوئاهەنگی دروست کردن وەگەرد جەریانات غێر کورد بی. ڕێزدار خالد عەزیزی لەسەر ئەو باوەڕە بی کە پرس کورد لە کوردستان ئێران، باێەت لە چوارچو ئێران چارەسەر بکریەت. لە درێژەێ قسەکانێ باس لەوە کرد کە حزبەکەێ هەر لە ئیسەوە هەوڵ دەێ تا لە ئاست ئێرانا وەشون پەێداکردن هاوپەێمان و هاوفکر و دوست ئەڕا پرس کورد لە ئێران ئایندە بگەردێ و تەڵاش بکەێ.

جێ باسە کە بەش ئاخرسمینارەکە ئەڕا پرسیار و پێشنیار بەشدارن دانریاوی. پرسیار وپێشنیار فرەێک لە لاێ بەشدارانوە خریا روی و قسەکەر حدکا جواوێان داوە. لە شون کوتاییهاتن سمینارەکە، هەێئەت کۆمیتەێ کشوری سازمان دموکراتیک یارسان دیالوگێگ کوتاێ وەگەرد ڕێزدار خالد عەزیزی داشتن و دیدگاێ خوەێان لەسەر چەند پرسێک لە بەین سازمان دموکراتیک یارسان و حزب دێموکرات کوردستان ئێران گەێاندنە گوش بەڕێز عەزیزی.

ھەر لەورە ھەردووک لا لەسەر ئەوە کوک بین کە کۆمیتەێ وڵات حدکا و سدی لە نروژ  دانیشتنێک لە پەێوەندی وەگەرد داشتن ڕەوابت و ھاوئاھەنگی و تازەوەکردن ڕەوابت لە بەین کۆمیتەێ کشوەری ھەردووک لاێەن ئنجام بێریەت.

سازمان دموکراتیک یارسان کۆمیتەێ نروژ