بەشداری کمیتە کشوری فنلاند سازمان دمکراتیک یارسان لە جلەسەێ ئحزاب،ئەنجمن و کەسایەتیەگل مستقل لە فنلاند

یارسان مدیا
‏2023.18.01

دویەکە هەڵکەفت ١٧.١.٢٠٢٣ جەلەسەێک وە بەشداری چەندین حزب، ئەنجمن، و کەسایەتی مستقل ئێرانی ئەرا هەماهەنگی زیاتر لە وڵات فنلاند شار تورکو وە ڕێوە چی.

هەدەف لەی جەلەسە چوینیەتی راهکار و هاوفکری بی ئەڕا ئەوەێک بزانن کە وە چە شێوەێک بتوانن تمام ئەحزاب و گروەکان بێ جیاوازی ئەڕا پشت گیری لە خیزش ئنقلابی مردم ئێران جەم بکەن.

شایان باسە کە بەشداربییەیل ئی نشەستە پێک  هاتوین لە : سازمان دمکراتیک یارسان، کوملە، حزب کمونیست ئێران، پژاک، کەژار، ئەنجمن زن زندگی آزادی و چەندین کەسایەتی مستقل ترەک.

بەشێر ئەمیرخانی وە نمایندەگی سازمان دمکراتیک یارسان لەی جلسە برشدار بی و دیدگاە و راهکار خوەێ وە پاێ سیاسەتگەل سازمان دمکراتیک یارسان ئەرائە کرد.

جەلەسەکە دوسائەت تویل کیشا و هەر حزب و ڵایەنێک نەزەر خوەێ لە چوینیەتی وە ڕێوەبردن تەزاوراتەکان و پشتگیریەکان لە قەیام داخڵی ئێران خستنە وەر باس.

گشت لە سەر یەک مسئلە هاوفکر بین کە هدەف ئەسڵی ڕمیان جمهوری ئسلامی و پشتگیری مردم ئێرانە.

لە ئاخر جەلەسەکە پلاتفورمێک وە شێوێ نوشتاری نویسیا کە لە ئایندە بتوانن وە پاێ ئەو پلاتفورمە  هەماهەنگی بکەن ئەڕا یەکیەتی فرەتێر کە گشت مردم ئێران بێ جیاوزای بتوانن بەشدار تەزاورات و پشتگیریەکان بون.

کمیتە کشوری فنلاند سازمان دمکراتیک یارسان

فنلاند

١٧.١.٢٠٢٣