بەشداری کومیتە کشوری نروژ سازمان دموکراتیک لە ساڵڕوژ دامەزراندن رێکخراو ھاناێ ڕوژھەڵات.

یارسانمدیا
‏2024‏-10‏-07

ڕووژ شەممە ڕێکەفت ٥/١٠/٢٠٢٤ وەبونەێ کوتایهاتن پەنج ساڵ فعالیەت و دەسپێکردن شەشمین ساڵ رێکخراو هاناێ رۆژهەڵات، مەراسمێک لە ئوسلو پاێتەخت نروژ وەبەشداری ژمارەێک وەرچەو لە نوینەر حزب و ڕێکخەراو و کەساێەتی و گروپێەل هونەری وەڕێوە بریا.

جی باسە کە ھەیئەتێک لە ئەندامان کومیتەێ کشوەری نروژ سازمان دموکراتیک یارسان لە سەر داوەت ڕسمی رێکخراو ھاناێ ڕوژھەڵات بەشدار ئەو ڕێوڕەسە بین وپیروزبایی خوەێان ئاراستەێ
وەڕێوەبەیەل ھاناێ ڕوژھەڵات کردن.

هەر لەو مەراسمە داوا لە چەندکەسێک کریا کە نەزر خوێان لەسەر رێکخراو هانانێ ڕۆژهەڵات بێەن. کاک شادوست کەریمی بەرپرس کومیتەێ نروژ یەکیک لەو کەسانە بی کە لەلاێ رێکخراو ناوبریاگ مساحبەێک کوتا وەگەردێا ئنجام دریا. ئەو لە قسەکانێا تعکیت لەرسەر زەرورەت کار و چالاکی هاناێ رۆژهەڵات و باقی رێکخراوێەل مەدەنی لە ناوو دەیشت وڵات کرد و ئارەزو موفقیەت ئەڕاێان خوازیار بی.

ھەر لەو مەراسمە چەندین وتارو پەێام پیروزبایی و چەندین پارچە سرود وەزوانەکان (فارسی، کوردی و بەلوچی پێشکەش
وە ئامادەبێەل مەراسمەکە کریا.

سخەنڕانێەل مەراسمەکە، کەساێەتیەل دیار سیاسی ناو کورد و ئێرانی نروژ بین. ئەوان بەش سەرەکی وتارەکانێان لەسەر جەنگ بەێن ئێران و گروێەل نەیابەتی وەگەرد ئسرائیل و پەێوندی ئەوجەنگە وە ئایندەی مەردم ئێران و وەتایبەت کورد خستە وەر باس.

بەشکتر لە مەراسمەکە، بەشداری گروپێەل هونەری بی کە وەزوانەکان فارسی، کوردی و بەلوچی سرود و گورانی پێشکەش کردن و لە ساعت ١٨:٠٠ کوتایی وە مەراسمەکە هاوردن.

سازمان دموکراتیک یارسان- کومیتەێ کشوەری نروژ