هەڵوژانن چەس ومەردم ئەرا چنە پاێ سندوق دەنگ دان؟

یارسان مدیا
‏چوارشەممە‏، 19‏ شوبات‏، 2020

منسور جوانمیری:

دەنگ دان لە ئێران و لە ساێەی حکومەت جمهوری اسلامی چ ماناێک دیری؟ ئایا کاندیداتورەکان حەق دێرن ئازادانە تەبلیق ئەرا خوەیان و بەرنامەکانێان بکەن؟ کی حەق کاندید بوین دیری و کی ئی حەقە شامڵی ناوت؟ کی توانی انتخاب بکەێ و شەرایەت دەنگدەران چەس، هەڵوژانن ئەسڵەن ئەڕا چە کریەت؟

.و دەێان پرسیارتر کە تەڵاش کریەت لەی مەقاڵە بەشێک لەلی باس بکریەت.

ئەوەڵەن نزام انتخاباتی یا هەڵوژانن یەک فەرایەند تەسمیمگیری ڕەسمیە کە لەتێا مەردم یا بەشێک لە مەردم ئەڕا ئدارەێ وەزیەت گشتی خوەێ کەسێک یا کەسانێک ئەڕا موقامێک یا وەزیفەێک رەسمی ئەرا وەختێک مالوم و دیاریکریاگ وە خستن دەنگ خوەی وەناو سندوق دەنگ دان، هەڵوژنێ

انتخابات یەکی لە موهمتەرین ئنسرگەل دموکراسیە کە کارکرد و تاسیرات فرەێ دێری. یەکی لە کارکردگەل انتخابات دەساودەسکردن قودرەت سیاسیە.

هەڵبەت انتخابات مەسەلەیک جەهانشمولە ئەما تەجروبەێ وڵاتەکان لە دەساودەس کردن قودرەت وە ئستفادە کردن لە مکانیزمگەل هەڵوژانن جیاوازە.

هەڵوژانن لە ئێران !

لە ئێران جور هەر وڵاتیکتر چەن جار انتخابات ئەنجام گرێ، هەڵوژانن رەیس جمهور و هەڵوژانن مجلس شورای اسلامی،

دو هەڵوژاندنن کە ڕەژیم هەزینەێ فرەیک ئەراێان کەیت و بەرنامەێ فرەتک رشنێ تا وەهەر شکل بیەس مەردم بارێتە پاێ سنویق دەنگ دان و لەی تەریقوە مەشرویەت سیاسی بێەیتە دەسەڵات خوەی.

هەڵبەت فرە موشەخەس و روشن دیارە کە لە تویل تاریخ انتخابات لە ئێران، هەڵوژانن ئازاد نەویەس و تەنیا یەک شانوگەری سیاسی بیەس و تەمام کەسانێک کە حەق یا سەلاحیەت انتخاب بوین داشتنەس بایەد باوەڕ و پاێبەن ئەمەلی وە اسلام و نزام موقەدەس جمهوری اسلامی ئێران بوت..

لە چەن هەفتەێتر لە ئێران هەڵوژانن ئەڕایانزەهمین هەڵوژانن مجڵس شوراێ ئسلامی ئێران چوتە رێوە.

وە پای تالیل و نوشتارگەلەلێک لەی رابتە کریاگەس و نویسیاگەس، انتخاباتیا هەڵوژانن مجڵس شوراێ ئسلامی لە ئێران ئی جارە فرە تاێبەتمەندتر، ناڕوسنتر و هەتا موهمتر لە گشت انتخاباتگەل وەرین هەساو کریەت، هەتا فرە لە هزبگەل سیاسی موخاڵف جمهوری اسلامی ئێران و یەکی لەوان سازمان دموکراتیک یارسان موخاڵف بەسداری مەردمە لەی انتخاباتە و داوا لە مەردم وەتاێوەت مەردم یارسان لە داخڵ وڵات کردگەس کە بەشدار شانوگەری یانزەهمین انتخابات شوراێ ئسلامی ئێران نەون و تاریمێ بکەن چوین ئی هەڵوژاننیچە جور باقی هەڵوژاننەکان لە ژێر حاکمیەت ئاخونەێل لە ئێران جور باقیتر هەڵوژاننەکان تەنیا مەشرویەت دانە وەی ڕژیم زد ئنسانی و ئازادیەسە و درێژوەکردن ئومر رژیم.

ڕژیم ئیران و دونیاێ ناونەتەوەیی و داخڵی!

فرە ڕوشن و دیارە کە ڕەژیم جمهوری اسلامی ئێران وەخاتر دخالەت و هاوکاری مادی و سیاس گروگەل تروریستی و تون رەو لە سوریە، یەمەن عراق ، لوبنان، فلستین و ئەرەوستان و بڕیک ولات تر و دروسکردن نائەمنی و هەرجومەرج

لەی وڵاتگەلە و وەخەتەر خستن منافەی ئامریکا و تا ئەندازەیک ئروپا، ئیسە لە بار سیاسی و سیاسەت خارجیوە هالە ژیر سەخترین فشارگەل سیاسی و ئابوری و مونزەوی بوینوە و لە داخڵ ولاتیچ وەخاتر فشارگەل اقتسادی لەسەر مەردم هاژێر فشار سەخت و وەتەمامی مەشرویەت خوەی لەدەس داگەس، اترازگەل یەک لەسەر یەک مەردم لە قشرگەل خوار کۆمەڵگە نەهادگەل کارگەری، سنفی و اتوبوسڕانی و بازنشتەگان و و مالمەکان و اتراز اخر لەسەر بەرزەوکردن نرخ بنزین و دەسەپاجە مان لە موقابل اترازەێل ئاخر لە دەی مانگ و قەتڵئام کردن مەردم لەتەرەف دارو دەسەی رژیم و گردن و زندانی کردن هەزاران ئنسان ئازادیخواز، جاریکتر دەمچەو و ماهیەت و زات رەژیم ئەرا خود مەردم و دونیای دەیشت سابت کرد و نیشان دا کە ئی رژیمە تەنیا وە زور و قودرەت و سەرکوت و تون و تیژی ها پاوە.

لە شون سەرکوت کردن ئاخرین اترازات لە ئیران، خامنەیی لە سوخەنڕانی و ئەوەلین دەرکەفتنی دویای اترازەکان، اترازات مەردم جور بومب ئەتوم تاریف کرد و وەت ناوت نیروگەل و باندگەل رژیم و سپاێ پاسدارەیل بیلن اترازەکان ئەوقەرە گەورەوەبوت و بایەد اقدام بکەن، مەنزوری لازمە زوی سەرکوت بکریەن تا کونترول کردنی ئەوقەرە هەزینە هەلگر و قورس نەوت. چوین لە اترازەیل ئاخر شوئار مەردم تەمام رژیم گردە هەدەف و. ئەرا نمونە مەرگ بەر جمهوری اسلامی ئێران، مەرگ بەر خامنەیی و فرەێ شوئارتر کە رژیم و خود خامنەیی دوچار شوک کرد.

ئیسە لەی انتخاباتە ڕەژیم تەمام هەول و تەقالای خوەی خستگەسە کار تا مەردم وادار بکەی بانە پای سنویق دەنگ دان و یەکجارتر قودرەت خوەێ بنەیتە نمایش لە لاێان قودرەتگەل جەهانی و ناونەتەوەیی و هەر وەیجورە جاریکتر مەشرویەت بیەیتە مانەوەێ خوەێ لە داخڵ ولات، ئەڕاوە خود خامنەیی کە خاس زانی ک رەژیم لە چو ژەلکاویک و کیشەو

ەو گرفتگەلیک گیر کردگەس، داوا لە مەردم کەێت کە وە دەنگ دان مەشرویەت بێەنە رژیم حەتا ئەگەر لە خوەیجی جور رەهبەر رازی نیەین و ئەگەر ئێران دوس دیرین.

جاڵبە خامنەیی لەهالێکا باس لە سەر ئەهەمیەت دەنگدان و ئێرانی بوین مەردم کەیت کە لە تویل ئومر چل سالەێ ڕەژیم ئەسڵەن نە مەردم ئەڕاێان موهم بیەس و نە ئێرانی بوینیج ئەهەمیەت فرەێک داشتگەس.

و تەنیا لەوەخت انتخابات دەنگ مەردم ئەرایان ئەهەمیەت دیری، وەختی ئنتخابات دویاێ هات و ئەفراد مەورد نەزەر خوەیان دەنگ هاوردن دی کار وە کەس نەیرن بجوز باند بازی و بردن و خواردن و دزین.

هەڵبەت لەی ئنتخاباتە ٢٩٠ ئەندام هەڵوژیەن ئەڕا مجڵس شوراێ ئسلامی ئێران کە ٢٨٥ ێان موستەقیمە ٥ کورسیترێان دریەتە زەردەشتیەکان، یەهودیەکان،ئاشوریەکان ئەرمەنیەکان و کلدانیەکان وەلێ کومەڵگەێ چەن ملیونی یارسان لە داشتن نمایندە بیبەشن و هەق کاندید کردن نوێنەر مەورد باوەڕ خوەێان وەپیان نایریەت و تەنیا هەق دەنگ دان دیرن نەک حەق کاندید بوین، کە ئیە لە خوەێا گەورەترین زولمە لە حەق جامەئەی یارسان تەنیا دەنگەکانێان چوت ئەرا کەسانێک کە هویج تاسیرگوزاریک لەسەر ژیان روژانەی ئابوری و کومەڵایەتی ئی مەردمە نەیری وەی مانا کە دەنگەکانیان ئەڕا خوەێان بێ کەلکە و تەنیا مەشرویەت دانە وە ڕژیم.

من باوەر دیرم تەنیا تاریم کردن انتخابات ناتوانی ڕاحەل بوت فرە جار وەلێ وەختی توێ حەق انتخاب بوین لەلیت بگیریەت و تەنیا حەق دەنگ دان داشتویت، لەخوەێا خود کەلەمەێ هەڵوژانن چوتە ژیر پرسیار و مانایک نەیریت.

وەختی دەنگ توی نەتوانی تاسیرگوزار بوت لەسەر ژیان کۆمەلایەتی، ئابوری توێ وە یا دەنگ توێ تەنیا مەشرویەت دان بوت وە ڕژیمیک کە لە مودەت چل ساڵ لە ئومر خوەی تەنیا ئەڕا لەناو بردن هەویەت، فەرەنگ و داب و نەریەت و مەوجودیەت توێ کار کردوت پەس دەنگ دان وەمانای نەزانستن و بی تەوەجە بوینە وە سەرنەشت و ژیان خوەت لە ناو ولاتێک ک هویچی وەتوی تالوق ناگ نەزانستن و بی تەوەجە بوینە وە سەرنەشت و ژیان خوەت لە ناو ولاتێک ک هویچی وەتوی تالوق ناگری.

پەس لە نەتیجە لە هەر ولاتێک هەلبژاردن بکریەت وەماناێ پەێرەو کردن دموکراسی و وەدەس هاوردن ئازادی و ئاشتی نیە و ئیی حەقیقەتە لە کومار ئسلامی ئێران فرە ڕوشنە و هەڵبژاردن تەنیا نمایشیی و انتسابیە

وە یەک جومڵەێ فرە پڕ ماناێ نویسەر آمریکای تەمام کەم کە ویشێ..

لەهەرکورە ئازادی نەوت

ئەگەر دەنگ دان چشتێ ئەوەز بکردا، ئجازە نەێان کە دەنگ بیەی.

”مارک تواین”

مەنسور جەوانمیری

٢٠٢٠.٠٢.١٩

[wpforms id=”4110″]